चोपडा शहरात ला प्र वि विभागाने सापडा रचून एकास लाच घेतांना रंगेहात पकडले

तक्रारदार यांच्या घरी नवीन विज मिटर बसवून देण्या करीता आ.लो.सेसहाय्यक अभियंता चोपडा दिलीप सुलक्षणें यांनी 5,500/- रूपये लाचेची मागणी केली बाबत तक्रारदार यांनी दि.11/3/2025 रोजी ल. प्. वि. जळगाव घटकाचे सापळा पथकाकडे तक्रार लिहून दिली होती.सदर तक्रारीची पडताळणी केली असता वरील आलोसे यांनी तक्रारदार यांच्या घराचे विज मिटर बसवून देण्यासाठी प्रथम 5500 व तडजोडअंती 4500 रुपयाची मागणी करून सदर लाच रक्कम दि.12/3/2025 रोजी स्विकारतांना त्यांना रंगेहात पकडण्यात आले असुन त्यांचे विरुध्द चोपडा शहर पो.स्टे. येथे भ्रष्टाचार प्रतिबंध अधिनियम कलमान्वये गुन्हा दाखल करण्यात आला आहे.

सापळा कार्यवाही पथक :- श्रेणी पोलिस उपनिरीक्षक दिनेशसिंग पाटील पो.कॉ.प्रणेश ठाकूर, पो ना/मराठे, पो ना/राकेश दुसाने
—————————————
याद्वारे सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने कोणीही त्यांचे कोणतेही शासकीय काम करून देण्यासाठी, किंवा न करण्यासाठी अथवा ते काम करून दिल्याचे मोबदल्यात लाचेची मागणी केल्यास तात्काळ लाचलुचपत प्रतिबंधक विभाग,जळगाव येथे संपर्क करावा.