गावठी कट्टयासह एकास एमआयडीसी पोलीसांनी पकडले.

दिनांक 08/03/2025 रोजी एमआयडीसी पोस्टे कडील पोका. नितिन ठाकुर यांना गोपणीय बातमी मिळाली होती की, कुरूंबा परीसरात तुषार सोनवणे नावाचा एक ईसम त्याचेजवळ गावठी कट्टा घेवुन फिरत आहे. सदर बातमी ही मा. पोलीस निरीक्षक संदीप पाटील यांना कळविली. पोलीस निरीक्षक यांनी गुन्हे शोधपथकातील पोउपनि चंद्रकांत धनके, पोका छगन तायडे, किरण पाटील, राहुल घेटे अशांना कुसुंबा परीसरात जावुन बातमीची खात्री करून योग्य ती कायदेशीर कारवाई करणेकामी रवाना केले, त्यानुसार सदर पथक हे कुसुंबा हॉटेल पुष्पा नशिराबाद रोड कडे फिरत असतांना मिळालेल्या बातमी प्रमाणे हॉटेल पुष्पा चे समोर एक इसम अंगात हळदी रंगाचे शर्ट घालुन मोसा वर बसलेला दिसला. त्यानुसार सदर पथक हे त्याचे जवळ जात असतांना ईसम हा मोसा सह पळुन जाण्याच्या तयारीत असतांना पथकातील पोलीस अंमलदार यांनी शिताफिने त्याचा पाठलाग करून त्यास पकडले. त्यास त्याचे नांव गाव विचारता त्याने त्याचे नांव तुषार अशोक सोनवणे रार खेडी आव्हाणे असे असल्याचे सांगीतले बातमी प्रमाणे पथकाची खात्री झाल्याने त्याची पंचासमक्ष अंगझडती घेतली असता त्याचे उजव्या कमरेत एक 20,000/- रुपये किंमतीचा गावठी कट्टा आणी 2000/- रुपये किमतीच्या दोन जिवंत काडतुस मिळुन आले. तसेच 50,000/-रुपये किंमतीचा होंडा शाईन मो सा सुध्दा मिळुन आली असुन एकुण 72,000/-रुपये किंमतीच्या मुद्देमालासह सदर ईसमास ताब्यात घेवुन त्याचेविरुध्द पोका नितीन ठाकुर यांनी दिलेल्या फिर्यादीवरुन गुन्हा रजि नंबर 147/2025 आर्म अॅक्ट 3/25 प्रमाणे गुन्हा दाखल करण्यात आला आहे. सदर गुन्हयाचा तपास पोउपनि चंद्रकांत धनके व पोना योगेश बारी करीत आहेत.

सदरची कारवाई ही मा. पोलीस अधिक्षक श्री महेश्वर रेड्डी सो, मा अपर पोलीस अधीक्षक अशोक नखाते सो, मा उपविभागीय पोलीस अधिकारी संदीप गावीत सो, यांचे मार्गदर्शनाखाली केली आहे.